جلست زوجته معه امام شاشة التلفاز لحضور إحدى مباريات كأس العالم، حتى تشاركه اهتماماته..
قبل بداية المبارة دار الحديث التالي:
- منو اللاعبين؟
- ألمانيا واليابان
-الالمان ليه اتصوروا وهم (خاتين) يدهم في خشمهم؟ - اكيد شامين ريحة..!!
بعد ثلاث دقائق:
- لون فنيلة الفريق الابيض دا حساس وبيتوسخ سريع.
- ايوة عشان كدا عاملين (ظهرة) تقيلة..!!!
بعد 5 دقائق
- محمد صلاح ما بيلعب؟
- لا..!!
- ليه؟
- لانوا عندوا (شيفت) في إنجلترا..!!!
10 دقائق اخرى
- نسخن ليكم أكل شنو؟
- أي حاجة فيها لحمة..!!
- طيب حأسخن ليكم (العدس) بتاع امبارح..!!
- طيب!!
10 دقائق تالية
- يعني شنو الفار؟
- الحكم الرابع بيكون مسك ليهو (فار) حايم في الملعب..!! فحكم الساحة ماشي يتأكد من الموضوع دا..!!
10 دقائق أخرى
- الكورة بتنتهي عادة بعد كل فريق يجيب كم قوون؟
- الكورة عندها زمن؟
- يعني ما بالاقوان الواحد بيفوز؟
- اللهم طولك يا روح..!!
بعد مرور (زمن اصبح غير محسوب!! )
- يعني الكورة تعتبر (كم كم؟)
- صفر/صفر
- لي منو؟
مع نهاية الشوط الاول
- كدا الكورة انتهت؟
- لا دا الشوط الاول إنتهى!!!
- ايوة، عشان لو في لعيبة عايزة تشرب موية او عايزة تخش الحمام وكدا..!!
- بالظبط!!
- تاني باقي كم شوط؟
- باقي شوط، و(ح) امشي احضروا في الكافيه لانوا الكهرباء ممكن تقطع في أي لحظه..!!
- تمام، وربنا ينصركم..!!
- طيب!!!
